जिल्ला अस्पताललाई सुविधा सम्पन्न बनाइनेः मुख्यमन्त्री भट्ट

डडेल्धुरा । सुदूरपश्चिम प्रदेशका मुख्यमन्त्री त्रिलोचन भट्टले जिल्ला अस्पताल डोटीलाई सुदूरपश्चिमको सुविधा सम्पन्न अस्पताल बनाइने बताएका छन् ।

जिल्ला अस्पताल डोटीको आज निरीक्षण भ्रमण गर्दे मुख्यमन्त्री भट्टले यस्तो बताएका हुन । डोटीसँगै सबै जिल्ला अस्पतालमा नयाँ उपकरणको विस्तार गरी सुविधा सम्पन्न बनाउने प्रदेश सरकारको तयारी रहेको मुख्यमन्त्री भट्टको भनाई छ । सामाजिक विकासमन्त्री कृष्णराज सुवेदीले जिल्ला अस्पतालमा चिकित्सक दरबन्दी थप गर्ने जानकारी दिए।

पछिल्लो समयमा स्वास्थ्य संस्थाहरुमा कूल दरबन्दीको १३ प्रतिशत अभाव रहेका छ। जिल्ला स्वास्थ्य कार्यालय डोटीले दिएको जानकारी अनुसार जिल्लाका नौ स्थानीय तहका ५९ स्वास्थ्य संस्थामा कूल ३०८ दरबन्दीमध्ये हाल २६७ मात्रै पदपूर्ति रहेको छ।