अजयमेरूले दियो डडेल्धुरा प्रहरीलाई तीन रोपनी जग्गा

लक्ष्मी ऐर 
डडेल्धुरा, असार २५ गते । सुरक्षा सुदृढीकरण र सार्वजनिक सेवाको प्रभावकारिता बढाउने उद्देश्यसहित अजयमेरू गाउँपालिकाले जिल्ला प्रहरी कार्यालय डडेल्धुरालाई ३ रोपनी जग्गा प्रदान गरेको छ । एक कार्यक्रमकाबीच पालिकाले प्रहरीलाई जग्गा हस्तान्तरण गरिएको हो ।

कार्यक्रममा गाउँपालिका अध्यक्ष उमेश प्रसाद भट्ट प्रमुख अतिथिको रूपमा सहभागी थिए भने उपाध्यक्ष बसन्ती पाल, जिल्ला प्रहरी कार्यालय डडेल्धुराका प्रमुख प्रहरी नायब उपरीक्षक (डीएसपी) सुगन्ध श्रेष्ठ, मालपोत कार्यालय डडेल्धुराका प्रमुख कमलापति भट्ट लगायत स्थानीय प्रतिनिधिहरू र सुरक्षाकर्मीहरूको उपस्थिति थियो । गाउँपालिका अध्यक्ष भट्टले प्रहरी प्रशासनको भौतिक पूर्वाधार अभावका कारण देखिएको समस्या समाधानतर्फ स्थानीय सरकारले जिम्मेवारी बोध गर्दै सहयोग पु¥याएको बताउनुभयो । डीएसपी श्रेष्ठले गाउँपालिकाको यो योगदानले प्रहरी सेवामा थप प्रभावकारिता आउने विश्वास व्यक्त गरेका छन ।