एमाले ११औँ महाधिवेशन स् ९८.०४ प्रतिशत मत खस्यो, केही बेरमा परिणाम आउने

अमरगढी पोष्ट समाचार
काठमाडौं, पुस ३। नेकपा (एमाले) को ११औँ राष्ट्रिय महाधिवेशनअन्तर्गत भएको निर्वाचनमा ९८.०४ प्रतिशत मत खसेको छ ।

बुधबार बिहान ९ बजेदेखि सुरु भएको मतदान आज बिहान केही बेर अघि सकिएको हो । निर्वाचन आयोगका अनुसार कुल २२ सय ६३ प्रतिनिधिमध्ये २२ सय २७ जनाले मतदान गरेका छन् । मतदान प्रक्रियामा ३६ जना प्रतिनिधि अनुपस्थित रहेका छन्।

उच्च सहभागितासँगै विद्युतीय मतदान मेसिनमार्फत गरिएको मतदान प्रक्रिया शान्त र व्यवस्थित रूपमा सम्पन्न भएको निर्वाचन आयोगले जनाएको छ। मतगणना प्रक्रिया चाँडै सुरु हुने तयारी भइरहेको छ। केही समयमा नै मतपरिणाम आउने छ ।