बाढीले पानीको मुहान बगाएपछि डडेल्धुरा सदरमुकाममा खानेपानीको हाहाकार

लक्ष्मी ऐर
डडेल्धुरा,कार्तिक,६ गते । गतसाता परेको अबिरल बर्षाका कारण बाढीले पानीको मुहान बगाएपछि डडेल्धुरा सदरमुकाममा खानेपानीको हाहाकार भएको छ । डडेल्धुरा सदरमुकाम आउने पानीको मुहान नै बगाएपछि पाँच दिन देखि जिल्ला सदरमुकाममा पानीको हैरानी खेप्नु परेको छ ।
खंलगा खानेपानी उपभोक्ता समिति डडेल्धुराले बाढीका कारण पानीको मुहानमा ठुलो क्षती पु¥याएको भन्दै स्थानीय सुरक्षा निकायको सहयोगमा पुर्ननिर्माण गरिरहेको भएपनि अझै एक दुई लाग्ने जनाएको छ । सदरमुकाममा खानेपानीको हाहाकार मच्चिएपछि होटल,पसल देखि स्थानीयहरुलाई निकै सास्ती भोग्नु परिरहेको स्थानीयबासी दिवाकर पन्तले बताउनुभयो ।
जिल्ला सदरमुकामका होटल पसलहरुले पानी टयाङकरबाट पानी आपुर्ति गरिरहेका छन भने स्थानीयहरुले नगरभित्रका धारा पधेराको फोहर पानी पिउन बाध्य भएका छन ।
पानी अभाबका कारण कतिपय होटलहरु बन्द अबस्थामा पुगेका छन भने कतिपय सदरमुकाममा डेरा गरि बस्ने कर्मचारी,बिद्यार्थि,ब्यपारीहरु महङगो मुल्य तिरेर होटल खान बाध्य भएका छन