सेती अस्पतालमा भएको परीक्षणमा थप १३ जनामा कोरोना

अमरगढी रैबार सम्बाददाता
धनगढी,असार,१ गते । मंगलबार सेती प्रादेशिक अस्पतालमा थप १३ जनामा कोरोना भाइरसको संक्रमण पुस्टि भएको छ।

पछिल्लो २४ घण्टामा अस्पतालमा २२४ जनाको नमुना परीक्षण गर्दा थप १३ जनामा संक्रमण पुस्टि भएको अस्पतालका सूचना अधिकारी दिलीप कुमार श्रेष्ठले बताए।

पछिल्लो २४ घण्टामा अस्पतालबाट ५ जना डिस्चार्ज भएका छन् भने थप १ जना नयाँ संक्रमित भर्ना भएका छन्। हाल अस्पतालमा ११ जना संक्रमित उपचाररत छन्। जसमध्ये १० जना संक्रमित आईसीयूमा उपचाररत रहेको सूचना अधिकारी श्रेष्ठले बताए।

आज पनि पछिल्लो २४ घण्टामा अस्पतालमा ज्यान गुमाउने संक्रमितको संख्या शून्य छ। गत शनिबार, आइतबार, सोमबार र मंगलबार गरी ४ दिनसम्म अस्पतालमा मृत्यु हुने संक्रमितको संख्या शून्य रहेको छ।